الرئيسية
أحدث الصور
Ahlamontada 
من طرف 
موضوعنا اليوم عن التدخين والمدخنين
ليه الشباب مش لاقى حاجه يعملها غير التدخين ؟
سؤال ماكنتش لاقى له اجابه لحد ما لقيتمحمد بطل حوارنا اليوم
فهو يعتبر من ضمن الشباب المدخنين
اولا : نبذه عن تاريخ التدخين .
مصطلح التدخين الذى يتداوله الناس عند التحدث عن التدخين أخذ من اسم جون نيكوت سفير فرنسا فى لشبونه والذى كان يدافع عن التبغ وكان يؤكد أن للتدخين فوائد مثل اعادة الوعى وعلاج الكثير من الامراض . يصنع التبغ من أوراق نبات الطباق واسمه العلمى " نيكوتينيا تباكم " وتستخدم أوراقه بعد تجفيفها للمضغ . أو كمسحوق للاستنشاق " النشوق " . أو للتدخين كلفائف تبغ " السيجار " . أو فى الغليون " البايب " . أو فى السجائر .
أولا : ماهية التدخين؟ what is the smoking
اكتشف كريستوفر كولومبس نبات الطباق " التبغ " عام 1492 م عندما وصل الى أمريكا الشماليه أول مرة حيث لاحظ الرحاله كولومبس أن بعض سكان مدينة سان سلفادور يدخنون التبغ وكانوا يحملون جذورات النار ليشعلوا بها الاعشاب التى كانت تتصاعد منها رائحة الدخان ليتطيبوا بها ووجد الهنود الحمر فى جذر الكاريبى يدخنون الطباق . كما وجدهم يستخدمونه فى الطقوس الدينيه والحفلات وكانوا يعتقدون أن للتدخين فوائد علاجيه . ومن المحتمل أن يكون ذلك هو السبب فى تشجيع الاوربيون على تدخينه وانتشاره فى أوروبا فى القرن السادس عشر ثم منها الى جميع أنحاء العالم .
ثالثا : ندخل فى الحوار علشان نعرف ايه اللى بيخلى الشباب يدخن .
انا : اسمك ايه ؟
.... : محمد
انا : عندك كام سنه يا محمد؟
محمد : 17 سنه
انا : بتدرس ؟
محمد : ايوه
انا : فى سنه كام ؟
محمد : 3 اعدادى
انا : ليه 3 اعدادى انت سنك اكبر من 3 اعدادى ممكن تكون فى 1 ثانوى أو 2 .
محمد : أصل انا خدت 6 ابتدائى وعيدت سنه فى المدرسه
انا : بتدخن يامحمد؟
محمد : أيوة بدخن
انا : ليه ؟
محمد : كده
انا : يعنى ايه اللى خلاك تدخن ؟
محمد : اتعلمت شرب السجاير مع العيال اصحابى لما كنا بنطفش من المدرسه ونروح نلعب
انا : يعنى بدايتك فى التدخين كانت مع اصحابك وانت بتهرب من المدرسه. طيب ليه انت كنت بتهرب من المدرسه؟
محمد : المواد كانت صعبه والمدرسين بيضربونى وانا ياعم مش فاضى لوجع الدماغ بتاعت المدرسين دى
انا : ازاى بتقول على الدراسه وجع دماغ ؟ انت مش عاوز تتعلم ؟
محمد : لا مش عاوز
انا : ليه مش عاوز؟
محمد : ياعم كبر الجمجمه هو الواحد فاضى للوش ده
انا : من كام سنه وانت بتدخن؟
محمد : من سنتين
انا : انت كنت صغير أوى
محمد : صغير ايه ياعم......ما انى بشتغل وانى عندى 10 سنين وبقبض وبجيب لنفسى كل حاجه . تعرف انت تجيب لنفسك كل حاجه زيى انت لسه بتاخد المصروف من أبوك.
أقولك حاجه انتى هتعملى فيها بتفهم وخايف على مصلحتى مش متكلم معاك تانى ياعم روح .
انا : استنى بس يا محمد انت مستعجل ليه ياسيدى ( فى الوقت ده افتكرت المثل اللى بيقول " اذا كان لك عندك البوبى حاجه قولو ياسيدى ")
محمد : عاوز ايه لخص فى الحوار بتاعك ده وبعدين انت بتكتب ايه فى الورقه دى؟
انا : لا يا محمد ماتخدش فى بالك ياراجل دى ورقه بشخبط فيها بس . قولى انت بتشتغل ايه
محمد : مبلط قد الدنيا
انا : ياااااااه ما انت 100 100 اهو امال ايه بس؟ بتتعصب ليه بس؟
محمد : ما انت عمال تسأل فى حاجات مالهاش لازمه كلها (معاك سيجارة؟)
انا : لا والله يا محمد
محمد : طيب هات نص جنيه اجيب 3 فرط
انا : اهدا بس هجيبلك بس لما أخلص وبعدين انت مش بتقولى انك راجل صنايعى وكسيب فين ياعم الحاج الكلام اللى انت قولتوا من شويه فاتو .
محمد : يعنى مش هتجيب خلاص ياعم
انا : استنى بس هاجيب لك حالا بس اسألك سؤال الاول
محمد : قول ياعم وخلصنى
انا : بتعملك ايه السيجاره تخليك تبقى ملهوف عليها قوى كده؟
محمد : بتعمل دماغ
انا : ازاى يعنى؟
محمد : بتخليك ملك زمانك ومكانك
انا : هههههه يعنى اللى بيشرب سجاير ملك ؟
محمد : اه
انا : ونفسك تبقى ايه فى المستقبل يامحمد ؟
محمد : نفسى ابقى زى الراجل اللى شرب مليون سيجارة فى وقت واحد
انا : دا فين الراجل ده؟
محمد : انا أعرف بس انا شوفت الصورة بتاعتوا على الكمبيوتر بتاع ابن عمى
وبعد البحث عن الصورة دى وجدتها والحمد لله بعد فترة بحث واهى الصورة اللى الراجل اللى فيها أصبح قدوة للشباب .
انا : وهو الراجل ده القدوة بتاعتك يامحمد؟
محمد : اه ياعم
انا : انت عارف اخرت الراجل ده ايه ؟
محمد : ايه ؟
انا : اولا ممكن فى حركه زى دى أسنانو تطير زى الراجل ده...
انا : أو من الممكن انك تبقى زى ده ...
انا : سؤال تانى يا محمد ممكن ؟
محمد : ياصبر أيوب
انا : لو حبيت تتجوز تروح للى هتتجوزها ازاى بمنظرك ده؟
محمد : مالوا منظرى ما انى حلو اهو ياكش انت بس اللى غايران منى وبعدين انا بحب واحده زى القمر وصورتها أهى ....
انا : يااااااااه
جميله فعلا وليه دى بالذات يا محمد؟محمد : هى دى حلم حياتى وبعدين أمها أكبر واحده بتحشش فى بلدها وصورتها برضو أهى...
انا : تصدق بالله يامحمد انت بتعرف تنقى كويس قوى فعلا النظارة بتاعتك دى بتجيب الابعاد الثلاثيه تمام
محمد : أيوة يامعلم عندك زيها ههههههه
انا : الصراحه لا واتمنى انى مايكنشى ليا واحده زيها
فى النهايه يامحمد أحب أقولك ان فيه أماكن عامه بيكون فيها التدخين ممنوع وممكن تدخل أى مكان من الاماكن دى وتحرج لان انت ماعندكش دم لانك لما تشوف حاجه زى دى هتعاند وهتعمل العكس وبعدها هتظهر فى صورة الناس جاهل
ااااااه متنساش يامحمد العلامات دى لما تشوفها اوعى تطلع سيجارة وتولعها فى المكان ده ..
أو دى يامحمد
أو دى ..
واوعى تنسى تغسل سنانك يوميا بالفرشه واهى ياسيدى هديا منى ليك ...
» عروسه لقطه ياشباب
» اسلام نصرانى موضوع مهم للغايه
» ادخل ومعمع قصدى ادخل وشوف شي تقشعر منه الابدان تعالوا شوفوه بسرعه
» الاعجاز في القرآن والسنة في إثبات كرويه الأرض
» صورة وتعليق
» ليس من يتكلم عن الحب كمن يتالم من الحب
» عنوان قلب
» اقدم لكم برنامج الـ أنتي فايرس الأخف في العالمـ Kaspersky Anti-Virus Personal 6.0.2.621 / 7.0.0.124 Beta وبأصداره الأخير وعلى أكثر من سيرفر
» وبأنفراد للمكتسح معمعه نقدم لكم فيديو تيستو TIESTO فى البرازيل وأقسم لك أنك لن تجده فى أى حته تانية وعلى سيرفر الميديا الصاروخى ومعمع بجد.